Iha loron 3 de Augusto 2015, Vice Ministru Administrasaun Estatal, Senhor Tomas do Rosario Cabral, hasoru malu ho Invertor husi Nasaun Xina mak hanesan Chairman Senhor Yixin Ma, iha Gabinete Vice Ministru hahu 14:00 otl to’o remata, soromutu ne’e hanesan koperasaun entre Munisipiu Manatuto ho Sidade Hunan, Republika Xina. Iha Visita ne’e kolia konaba kapasitasaun peskas ba Timor Oan sira nebe’e tuir planu sei hahu investe uluk iha Munisipiu Manatuto no ba futuru sei implementa mos iha Munisipiu sira seluk, investror ne’e promete katak sei loke mos kampu de servisu ba Timor Oan sira liu-liu iha area peskas nian maibe antes atu hahu, sei haruka uluk Timor Oan sira ba tuir formasaun iha nasaun Xina hodi nune’e formandu sira bele iha ona konyesementu ba industria transformasaun materia prima (ikan) ba produtu (Ikan Lata).
Photo Xisto Freitas
descentralizasaun 