Iha loron 6 de Agosto de 2015, oras tuku 10:00 otl to’o remata S.E Vice Ministru Administrasaun Estatal, Senhor Tomas do Rosario Cabral halo soromutu ho funsionarius sira iha salaun enkontru Administrasaun Aileu. Objectivu husi visita ida ne’e atu finaliza Planu Estratejiku Munisipal hodi nune’e bele reajusta fali ho Planu Estratejiku Nasional nian aleinde ne’e S.E Vice Ministru kolia mos ho tekniku sira atu finaliza programa Planu Dezenvolvimentu Integradu Munisipal nebe liu tiha ona prazu no husu atu hatama lalais Orsamentu, Dezenhu no BoQ ba Ministeriu Sentral nune’e bele hatama ba Orsamentu 2016, tamba ne’e maka servisu Administrasaun no servisu Integradu iha Aileu tenki konjunta nune’e bele lori povu ne’e sai husi mukit liu – liu maka programa PDID no PNDS tanba ne’e projecto rerefe tenki fo ona retornu baziku ba ita nia povu sira, tenik S.E Vice Ministru.
Depois de enkontru remata S.E Vice Ministru ho kometiva kontinua kedas ba visita Munisipiu Ermera, Iha soromutu ne’e S.E Vice Ministru aprezenta mos Senhor Jacinto Rigoberto nudar Vocal Point ba Munisipiu Ermera, atu apoiu Diresaun Geral Descentralizasaun oinsa atu hahu prosesu ba descentralizasaun. Soromutu nee hetan partisipasaun maximu husi Administrador Munisipiu, Komandante PNTL, Directores, Administrador Postu, Funsionariu no Chefe Suco no Funsionariu Sira.
Photo Xisto Freitas
descentralizasaun 