Iha loron 7 Setembru 2015, hahu tuku 10:45 otl to’o remata S.E Vice Ministro Administrasaun Estatal, Senhor Tomas do Rosario Cabral, halo enkontro ho Administrador Munisipius 12 iha salaun VIP-MAE. enkontru ne’e kolia kona ba proposta projeitos PDID ba planu 2016 nian, iha enkontro ne’e S.E Vice Ministru le’e sai planu nebe’e Administrador sira halo ba preparasaun projeitos PDID nebe’e sei implementa iha Munisipius ida-ida, proposta projeitos nebe Administrador sira halo, prioridade liu ba iha area hanesan Estradas, Be’e mos, Eskola, fatin Saude no seluk tan.
Iha lorkraik S.E Ministro da Defesa, Senhor Cirilo Cristavão, marka mos prezensa iha salaun VIP – MAE hodi fahe informasaun ba Administrador sira konaba situasaun rai laran nebe’e durante lao hakmatek no S.E Ministro da Defesa husu ba Administrador sira liu-liu Munisipiu Bobonaro atu tau matan ba area fronteira liu husi via terrestre tamba tuir informasaun movimentu iha area neba barak liu. Enkontro ne’e hetan partisipasaun maximu husi Director Geral Descentralizasaun Administrativa, Directores Nasional, Administrador Munisipiu no funsionarius sira.
Photo Xisto Freitas
descentralizasaun 