Iha loron 11 Setembro 2015, Vice Ministru Administrasaun Estatal, Senhor Tomas do Rosario Cabral, halo visita ba Postu Administrativu Remexio, Munisipiu Aileu hodi halo dialogo ho komunidade sira iha Suco Aikurus. Iha dialogo ne’e S.E Vice Ministru hateten ba Komunidade sira katak ami mai atu hadia ita bot sira nia moris, mai atu hare kondisoens atu povu tau iha ordem. Iha biban ida ne’e Director Geral ADN hato’o lia menon ba komunidade sira iha Suco Aikurus katak dezenvolvimentu lao wainhira povu tenki kria Unidade no Paz nune’e povu sira bele senti valor ba ukun an ida ne’e, ohin ami mai atu hare no identifika komunidade sira nebe persija Governu nia ajuda liu-liu hanesan Estrada, Be’e Mos, Uma MDG’s, Eskola, Uma ba Saude no sst. Iha dialogo ne’e S.E Vice Ministru husu ba Chefe Suco sira tenki tur hamutuk ho rai nain hodi identifika lolos dadus nune’e wainhira Governu hari uma ba povu kbi’it laek sira, sei labele iha impedementu ruma, ita bot sira hetan privileju boot tanba hau mai ho Director ADN, Senhor Deputado, Administrador Munisipiu Aileu, Administrador Munisipiu Manatuto, Comandante Policia Munisipiu Aileu ho Comandante Policia Munisipiu Manatuto, Tenik S.E Vice Ministru., Dialogo ne’e hetan partisipasaun maximu husi Director Nasionais, Pontu Fokal, Chefe Sucos no Komunidade sira.
Photo Xisto Freitas
descentralizasaun 